最後的XANGA

正巧明天便是新工作的第一天，也代表住我的新生命要開始了，這麼有意義的日子，實在令人難以入眠。反正都係眼光光等天光，不如打埋呢篇早就應該要打的XANGA 吧。

我要在這裏正式宣佈，MOMOWAH 呢個XANGA 唔會再用的了，因為呢個ACCOUNT 只有「有毛琪的阿華」才可以用，而我現在己經沒有這個資格了。而我希望用呢篇最後的XANGA 黎為我地呢段剛好四年半的感情作一個總結。

----------------------------------------------------------------------------------------

毛華戀 (2005年1月23日 ~ 2009年7月23日)

相信有睇「收錯愛情風」呢套戲既我們都會明白一個道理，當一個人要分手的時候，可以有千百樣的理由，但其實背後的原因永遠只有一個，就是「她不再愛你了」。所以甚麼兩個世界，都沒意思的，如果你還愛我，即使我住火星，你都一樣唔會同我分手。

當天你說要冷靜期，我冷靜不了；當天你叫我放手，我放不下；當天你說做回好朋友，我做不到。但現在我冷靜了，放低了。全因你的決絕。這次我的感覺己經沒有恨，而是很可惜，為何我心愛的人會對呢段感情看得這麼淡，難道鄧偉明呢個人真的不值得你有一絲的心軟嗎？我諗我係你眼中應該尤如一部就黎壞既電腦，繼續用，總有一天會壞，不如早早的換了它吧。但如果是我，到真的要去放下一段長達四年半的感情時，也許最終也不會改變主意，但中間總會有猶豫的一刻。而令我最心痛的，是你連這一刻的猶豫也沒有。

不過就是因為你的堅決，我才可以這麼快的企返起身。因為我知道做甚麼講甚麼也沒有用了，不如好好的活下去吧。始終覺得不是哭哭啼啼的才叫愛。

這段日子，我不停的回憶起和你一起的片段，也許你會想︰一齊時又唔見你咁珍惜我？無錯，人唔見棺材係唔會流眼淚的，當失去，才知道原來你是多麼的重要。頭幾日，每當想起你，都不禁流下眼淚來。但這幾天，想起和你一起的趣事時，不禁會心微笑。讓這四年成為我地一段美好的回憶吧。

放下了，生活回復平淡。雖然每夜訓之前都會諗起很多東西，我知道時間耐左，呢個情況會漸漸減少，甚至不再出現。無論生活是甜是苦，我們也應好好的去品嚐一下，這樣生命才不算是白過呢﹗希望你也能和我一樣，雖然係你飛我，但我知都會痛的，希望你也能好好的捱過這段痛的日子吧。

雖然我曾經同你講過，做不成情侶，不會想做朋友。但你是例外的，我們也有著同一班識左近十年的好朋友，實在唔想我去你唔去，你去我唔去的情況。

以後，我們是好朋友。

-------------------------------------------------------------------

打咁大段，當然係想俾人睇。如果你睇完呢篇XANGA，而你見到我，不用再問我︰「你同毛琪點呀？」而講一句︰「我睇左那篇XANGA 了。」咁我就知道你明我諗咩了。

我手寫我心

最後數天的假期，我想大多時間也會留在屋裏吧。但屋裏有太多東西了，滿載著不同的回憶。

我望住部手提電話，是毛琪送給我的，因為我家有結界，電話都收得唔好，所以毛琪送左呢部電話俾我，收得好好，屋企每個角落都收得到，讓我可以舒舒服服訓係床上同毛琪傾電話。

我望住部電腦，個MON 好大，因為我地成日都係屋企睇電影，所以破了點費買下了這個大MON，可以讓我地DOWNLOAD MOVIE 黎睇得開心D，係呢部電腦真的不知為我地省下了多少去戲院睇戲的錢。

我訓係張床度，又諗起有多少晚同毛琪兩個人訓係呢張咁窄既床上面，千方百計的去諗一個最舒服既睡姿。有時又要互相爭位，又要爭奪訓出面呢個風涼水冷既有利位置。不過哥哥就黎搬走，可以換一張雙人床，到時就可以舒舒服服的訓了。

還有我那遲遲都未好返的咳，我知道要飲水，唔好飲凍野，唔好食甜野，但我偏偏唔去做，我就係唔想好返，因為我覺得，我病，你也許會關心下我呢，雖然你好忙，但你送給我十二顆感冒清的時候，我真的很開心，感冒清食晒了，但感冒卻未清，點算？？

我在諗，有乜野可以是同毛琪無關呢？就連一支浴沐露，我也可以想起你。我以前是用番簡沖涼的，就是因為你會在我家沖涼，而你又唔鐘意用番簡，所以不知從何時開始，我也不懂得用番簡了，一定要用浴沐露，而且買，就一定要買最平最大支的。

兩個人一起，真的很複雜。我覺得無問題又點？對方卻認為是一大問題。唉..... 難道真的走不下去了嗎？真的要結束了嗎？結束這四年幾的感情？？我唔想..........

在P6過了一整晚，這是我人生中最舒服的一晚N，由十一點開始就無做過野直到六點左右幫人抹面，

但係因為D 人好多都未起身，都唔洗幫佢地抹，之後就睇報紙等放工。

成晚做過關於醫護既就係睇左係HOUSEMAN 櫃拿左本書黎睇，叫做

「COMPLICATION」。睇完之後好有共嗚，不論是醫生還是護士，做錯野跟本係避免唔到的，

唔好話係唔知所以錯，連明知係錯都可能會錯左，跟本所謂的醫療失誤就同我地屙屎食飯一樣，

每日都必然會發生的事。

而乜野叫做做得岩、做錯左，係醫學界上又其實無一個定論，一個病人既DIAGNOSIS 都唔一定係百分之一百岩，只係個醫生估估下估出黎的疹斷。

當然估既都係BASE ON 一D THEORY，但係THEORY 永遠同現實有差天共地的分別。

如果個醫生估錯左，我地一路以黎比既TREATMENT 仲可以叫做岩嗎？？

做得岩既事，永遠是能令個病人舒服或好番的事，病人好返，咪叫岩LAW。但係一個病人可以好地地好痛，也可能明明皮開肚裂都話唔痛，那時應該點做？

睇完本書，真的釋懷左好多，之前常常因為自己的大意或智識上的不足而做錯野而對自己的能力有所懷疑，但其實這只不過係每個人的必經階段，

沒有一個人天生出來便是熟手技工，賣油翁也要倒左唔知幾多年油才有當天的功力。

南丁格爾第一次插尿喉應該也是手忙腳亂的。

而如果有一天插得好，也沒有甚麼好去認叻的，只是因為自己之前己經錯得夠多了吧。

搵工

接近畢業，搵工本是必經階段。

但讀NURSING 這一科卻可以省卻了這一步。

工作會自自然然的找上門。

可能太易得到的東西便會看不上眼，所以現在的我不太想畢業後要做護士。

工呀..... 讓我找上你吧，找上一份我真心認真去做的工。

--------------------------------------------------------------------------------

昨天差點兒做了個浪費金錢的決定。

一路以來也認為電話打得出便很足夠了，

但近來要轉新PLAN，心魔便迫使我去看一些IPHONE PLAN。

五分鐘後，差點便決定簽下零機價零預繳但五百月費的PLAN。

好彩，理智的我決定諗多一晚，諗了一晚後，才發覺自己不是真的很需要IPHONE，

甚至可以話係無用。

這樣便省去了三千幾蚊，很抵﹗﹗

收集了不少ENCOURAGING 既語句，每一句都係出自好悲慘既人的口中，

希望藉此可以鼓勵一下毛琪~~~

「上天從來都唔公平
我地一出世冇得選擇身世、性別、樣貌等.....
但我們可以選擇自己對每一件事的態度
樂觀、悲觀, 快樂、痛苦只在乎主觀的心」

「其實唔一定要係日子過得開心, 人生先算有價值、有意義
有時候繞多點路, 見多點事, 對生命既體會先至多、先至深
你既遭遇的確係不幸...但有呢種體會,先叫真正存在過」

「一件事,發生左就發生左,沒有好壞之分,好壞的觀感是出自人的看法...同一件事,你換過角度想,可能會不一樣...」

呢D 說話全都係出自一班失業的人口中，有D 三個月無工做，有D 半年無工做，

日日係屋企無所事事，份份工都無SECOND INT. ，有的甚至FIRST INT. 都無。

我還未出黎工作過，想必未能體會工作的辛苦、壓力。

如果可以，我多想你立刻辭了份工唔洗咁辛苦，係屋企印印腳又一日。

但可以相信，無工做，一樣有壓力。

但我實在不知以男朋友的身份應該說些甚麼。一切盡在不言中，

我只知道我能做的，就只剩下盲目的去支持你，提供一個最理想的環境讓你作出最適合自己的選擇。

希望你快些開心返啦~~~